Azərbaycan Respublikasının Prezidenti İlham Əliyev cənablarına,
Surəti: Təhsil Naziri cənab M.Cabbarova
Sumqayıt şəhər 11 saylı tam orta məktəbin çoxsaylı valideynlərinin
ŞİKAYƏTİ
Möhtərəm Cənab Prezident,
Çox Hörmətli Mehriban Xanım Əliyevanın təşəbbüsü sayəsində Sumqayıt şəhərində pilot layihə kimi 11 nömrəli orta məktəbdə xüsusi qayğıya ehtiyacı olan uşaqlar üçün illərdir inklüziv təhsil sistemi tətbiq edilməkdədir.
Məktəbə direktor əvəzi təyin edilən Şəhla Bağırova 08.10.2016-cı il tarixdə valideynlərə iclas edib bizdən tələb edir ki, “gəlin uşaqlarınızın sənədlərini məktəbdən götürün inlüziv layihə bağlanır. Bunu məndən Sumqayıt şəhər təhsil şöbəsi və təhsil nazirliyi tələb edir”
Biz bu özbaşınalığa bir ad verə bilmirik.
Xüsusi qayğıya ehtiyacı olan uşaqların təhsil almaları üçün Mərhum Prezidentimiz Heydər Əliyev tərfindən, 540 nömrəli Fərman imzalanıb,
2001-ci ildə «Sağlamlıq imkanları məhdud şəxslərin təhsili (xüsusi təhsil) haqqında» Azərbaycan Respublikasının Qanunu qəbul edilib.
Sağlamlıq imkanları məhdud uşaqlar sosial müdafiəsi, onların təhsil aldığı xüsusi təhsil müəssisələrinin inkişafı da Azərbaycan Respublikası Prezidentinin diqqət mərkəzindədir. Ölkəmizin Birinci Xanımı Mehriban Əliyevanın təşəbbüsü ilə inklüziv təhsilin tətbiqi də məhz ölkə rəhbərliyinin bu problemə xüsusi qayğısının nəticəsidir.
Lakin bütün bunların əksinə olaraq, 11 nömrəli məktəbin direktor əvəzi Şəhla Bağırova layihənin bağlanacağını və uşaqlarımızı məktəbdən çıxaracağını bəyan edir. İstər məktəbin direktor əvəzi, istər Sumqayıt Şəhər Təhsil şöbəsi, istərsə də Təhsil Nazirliyinin nə həddinə düşər ki, Heydər Əliyev siyasi kursuna qarşı çıxaraq, inlküziv layihəni bağlasın ?
Xahiş edirik bu özbaşınalığa son qoyulması üçün Təhsil Nazirliyinə göstəriş verəsiniz.
Öncədən Sizə minnətdarlıq edirik.
Hörmətlə,
Sumqayıt şəhər 11 nömrəli məktəbin
Çoxsaylı valideynlərin adından\dosye.org\
hthttp://conflict.az/gundem/43453-sumqayt-sheher-11-sayl-mektebde-ozbashnalq-prezdente-muracet-olundu.html
Conflict.az
